the one عضو جديد
عدد الرسائل : 42 العمر : 34 تاريخ التسجيل : 30/06/2008
| موضوع: النهاردة الجمعة .. 5 رمضان ! الجمعة سبتمبر 05, 2008 1:23 pm | |
| بسم الله الرحمن الرحيم بيبقي حلو قوي يوم الجمعة في رمضان , اه وربنا , بستمتع بيه , بفضل نايم بعد صلاة الفجر لحد صلاة الجمعة !!
اقوم بقي اصلي , وارجع من الصلاه افضل اسمع سورة الكهف لحد ما اصلي العصر , وبعدها بقي اتلهي في الشغل شوية لحد الفطار , وبعد الفطار بقي برجع للفساد اللي كان قبل رمضان تاني !!!!! ماتفهمونيش غلط انا بهزر ! اصل انا بتاع كلام وبس !! انا بستغرب ان البنات في رمضان مابيختلفوش عن بره رمضان , يعني بجد حاجة تغيظ , انا بيتهيقلي ان مفيش حد فينا ( الشباب ) بيصوم صيام صح ! اه والله , اصل تمشي في الشارع تلاقيها لابسة هدوم ماتتلبسش , طيب يا جدعان احنا في رمضان , يعني عيب كده . عايز كده اتناقش معاكم في موضوع صغير , موضوع القضاء والقدر , انا بستغرب ان فيه مسلمين مابيؤمنوش بالقضاء والقدر , امال ازاي تبقي مسلم وانت مش مؤمن بان امرك وحياتك في ايدين ربك ؟ ماتحاولش تقنعني بان دي حاجه نسبية , لان القضاء والقدر مكتوب من قبل انت ما تنزل من بطن امك , الموضوع محسوم يا مؤمن , كل شئ مكتوب من قديم الازل , مفيش في ايدك انك تغير حاجه يا حبوب , مكتوبلك تعيش فيها يومين هتعيش يومين , مكتوب تعيش فيها 200 سنة هتعيش فيها 200 سنة , ده امر ومكتوب , المهم ان انت ترضي بيه فتدخل الجنة , او مترضاش بيه فتدخل النار , وشوف بقي لفرق . ياريت نفكر في الموضوع ده شوية , انا مش مستني منكم ردود , بس ياريت نفكر في الموضوع ده شوية , لانه بجد موضوع مهم . السلام عليكم ورحمة الله وبركاته | |
|
ماما نور الاسلام صاحبة الموقع
عدد الرسائل : 177 العمر : 68 الموقع : http://a7babalmostafa.lolbb.com/index.htm?sid=e7e90dfcd221ed108e6b82e934c70fc تاريخ التسجيل : 28/06/2008
| موضوع: رد: النهاردة الجمعة .. 5 رمضان ! الجمعة أكتوبر 03, 2008 10:23 pm | |
| موضوعك جميل يستحق المناقشة لي عودة معك | |
|